Таниқли инсайдер Фабрицио Романо Хаби Алонсонинг тез орада «Ливерпуль» бош мураббийи этиб тайинланиши ҳақидаги миш-мишларга изоҳ берди.
Яқинда оммавий ахборот воситаларида испаниялик мутахассис ва инглиз гранди ўртасида дастлабки келишувга эришилгани ҳақида маълумотлар пайдо бўлган эди. Романонинг таъкидлашича, бу маълумотлар ҳозирча ҳақиқатга тўғри келмайди.
«Алонсо ва «Ливерпуль» ўртасида ҳеч нарса келишиб олингани йўқ. Мавсум якунида клубда кейинги ҳамкорлик бўйича қарор қабул қилиш учун футболчилар, мураббий ва барча ходимлар иштирокида ички таҳлил ўтказилади, аммо ҳозирча ҳеч нарса ҳал қилинмаган, Алонсо билан ҳеч қандай келишув мавжуд эмас», — деб маълум қилди эксперт.
Хаби Алонсо январь ойидан бери ишсиз қолмоқда — ўшанда у Мадриднинг «Реал» клубидан истеъфога чиқарилган эди.
