Taniqli insayder Fabrisio Romano Xabi Alonsoning tez orada «Liverpul» bosh murabbiyi etib tayinlanishi haqidagi mish-mishlarga izoh berdi.

Yaqinda ommaviy axborot vositalarida ispaniyalik mutaxassis va ingliz grandi o‘rtasida dastlabki kelishuvga erishilgani haqida ma’lumotlar paydo bo‘lgan edi. Romanoning ta’kidlashicha, bu ma’lumotlar hozircha haqiqatga to‘g‘ri kelmaydi.

«Alonso va «Liverpul» o‘rtasida hech narsa kelishib olingani yo‘q. Mavsum yakunida klubda keyingi hamkorlik bo‘yicha qaror qabul qilish uchun futbolchilar, murabbiy va barcha xodimlar ishtirokida ichki tahlil o‘tkaziladi, ammo hozircha hech narsa hal qilinmagan, Alonso bilan hech qanday kelishuv mavjud emas», — deb ma’lum qildi ekspert.

Xabi Alonso yanvar oyidan beri ishsiz qolmoqda — o‘shanda u Madridning «Real» klubidan iste’foga chiqarilgan edi.