«Манчестер Сити» ҳужумчиси Жереми Доку фаолиятини Испанияда давом эттириши мумкин.
Журналист Грэм Бэйлининг маълумотларига кўра, 23 ёшли футболчи билан шартнома имзолашга Мадриднинг «Атлетико» клуби қизиқиш билдирмоқда. «Матрасчилар» бельгиялик футболчининг трансферини шу ёзда амалга оширишга ҳаракат қилиб кўришади. Шу билан бирга, ҳужумчининг ўзи ҳозирча «шаҳарликлар» билан янги шартнома борасида келиша олмаяпти.
Жереми Доку 2023 йилда «Ренн»дан «Манчестер Сити»га 60 миллион евро эвазига ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда ҳужумчи «шаҳарликлар» сафида барча турнирларда 32 та ўйинда майдонга тушиб, 3 та гол урди ва 12 та голли узатмани амалга оширди. Transfermarkt портали Докуни 65 миллион еврога баҳоламоқда.
