Германия Бундеслигасида февраль ойи якунларига кўра энг яхши футболчи аниқланди. Ушбу мукофотга "Бавария" ҳужумчиси Харри Кейн лойиқ кўрилди. Ўтган ойда Кейн Германия чемпионатининг тўртта ўйинида майдонга тушди. Ҳар бир баҳсда инглиз футболчиси дубль қайд этди. Шунингдек, Харрининг ҳисобида жамоадошига етказиб берилган битта голли узатма ҳам бор.
Харри Кейн Бундеслиганинг жорий мавсумида жами 24 та ўйинда 30 та гол урди. "Бавария" Германия чемпионати турнир жадвалида ишонч билан пешқадамлик қилмоқда. Иккинчи ўринда бораётган Дортмунднинг "Боруссия" жамоаси улардан 11 очко орқада қолмоқда.
"Бавария" Бундеслига доирасидаги навбатдаги учрашувини 14 март, шанба куни сафарда "Байер"га қарши ўтказади.
