Ёзги трансфер ойнасида "Реал" ўз топ-футболчиларидан бири бўйича келадиган таклифларни кўриб чиқишга тайёр бўлади. The Touchline нашри журналист Маттео Мореттога таяниб хабар беришича, Мадрид клуби ярим ҳимоячи Эдуардо Камавинга бўйича таклифларни ўрганиб чиқмоқчи.
Трансфернинг бошланғич нархи 50 миллион еврони ташкил этади. Нуфузли Transfermarkt порталида ҳам Камавинга айнан шунча нарх билан баҳоланган. 23 ёшли Эдуардо Камавинганинг "Реал" билан амалдаги шартномаси 2029 йилнинг ўрталаригача мўлжалланган.
Франциялик футболчи "қаймоқранглилар" сафида жами 211 та ўйин ўтказиб, ўз ҳисобига 6 та гол ва 11 та голли узатмани ёздириб қўйган.
