12 март, пайшанба куни Европа Конференциялар лигаси 2025/2026 мавсуми 1/8 финал босқичининг дастлабки учрашувлари бўлиб ўтди. Кун давомида жами саккизта беллашув ташкил этилди.

Бир қатор ўйинларда меҳмон жамоалар устунлик қилди. Хусусан, «Страсбург» Хорватияда «Риека»ни мағлуб этган бўлса, Украинанинг «Шахтёр» жамоаси сафарда «Лех Познань» устидан ишончли ғалаба қозонди. Грециянинг АЕКи эса Словениядаги учрашувда «Целе» дарвозасига жавобсиз тўртта гол урди.

12 март куни бўлиб ўтган ўйинлар натижалари:

«Риека» — «Страсбург» 1:2
«АЗ Алкмар» — «Спарта» Прага 2:1
«Самсунспор» — «Райо Вальекано» 1:3
«Лех» Познань — «Шахтёр» 1:3
«Целе» — АЕК Афина 0:4
«Фиорентина» — «Ракув» 2:1
«Сигма Оломоуц» — «Майнц» 0:0
«Кристал Пэлас» — АЕК Ларнака 0:0

Маълумот учун, Конференциялар лигасининг амалдаги ғолиби Лондоннинг «Челси» клуби ҳисобланади. Ўтган мавсум финалида англияликлар Испаниянинг «Бетис» жамоасини 4:1 ҳисобида мағлуб этган эди.