Футбол тарихидаги энг кулгили ва кутилмаган воқеалардан бири Англиянинг учинчи дивизионида содир бўлди. Бир испаниялик мухлис севимли жамоаси «Барселона»нинг «Ньюкасл»га қарши ўйинини кўриш учун Испаниядан Буюк Британияга йўл олади.
Аммо биргина хато ҳаммасини ўзгартириб юборди: у навигацияга стадион номини киритади ва телефон уни Ньюкаслга эмас, балки 600 км узоқликдаги Девон графлигига — худди шундай номдаги «Сент-Джеймс Парк» ("Эксетер" клуби уй стадиони)га бошлаб боради.
Воқеа қандай бўлди?
Мухлис стадион турникетлари олдига келиб, «Ньюкасл» — «Барселона» ўйини учун чиптасини кўрсатганидагина хатосини тушуниб етди.
«У жуда хафа ва хижолатда эди. Биз унга чипта совға қилдик ва у "ҳақиқий" Сент-Джеймс Паркда футбол кўрди», — дейди «Эксетер» ходими Адам Спенсер.
Бечора мухлис «Барселона»нинг «Ньюкасл» билан 1:1 ҳисобидаги дурангини кўра олмади. Унинг ўрнига «Эксетер»нинг «Линкольн»дан учралган мағлубиятига (0:1) гувоҳ бўлди.
