Франция терма жамоасининг собиқ ҳужумчиси Кристоф Дюгарри Чемпионлар лигаси 1/8 финали доирасидаги Лондоннинг «Челси» клубига қарши кечган дастлабки учрашувдан сўнг «ПСЖ» устози Луис Энрикенинг ўзини тутиши ҳақида фикр билдирди. Парижликлар ўз майдонларида 5:2 ҳисобида ғалаба қозонишган эди.
«Энрикенинг кибри жуда баланд. Лекин унинг бунга ҳаққи бор. Ҳар бир инсоннинг ўз характери бор. Энрике провокация қилишни яхши кўради», — дея собиқ футболчининг сўзларини келтирмоқда «RMC Sport».
«Челси» ва «ПСЖ» жамоалари ўртасидаги жавоб учрашуви сешанба куни, 17 мартда Лондоннинг «Стэмфорд Бридж» стадионида бўлиб ўтади. Ушбу қарама-қаршилик ғолиби УEФА Чемпионлар лигасининг чорак финал босқичи йўлланмасини қўлга киритади.
