15 ёшли Жей-Жей Габриэль «Манчестер Юнайтед» ҳужумчиси Брайан Мбеумони ҳайратда қолдирди.

Ёш ҳужумчи «қизил иблислар»нинг ёшлар таркибида тўп суради, бироқ у аллақачон биринчи жамоа машғулотларида иштирок этиб, тажриба оширмоқда.

«У яхши, ҳақиқатан ҳам жуда яхши ўйинчи. У биз билан тез-тез машғулот ўтказади ва биз унда қандайдир ўзига хос жиҳат борлигини кўряпмиз. Унга ҳамма нарса осонлик билан берилмоқда. Дарвоза олдида у жуда совуққон, зарбаси яхши ва техник жиҳатдан жуда иқтидорли», — дея Мбеумонинг сўзларини келтирмоқда журналист Фабрицио Романо.

Жей-Жей Габриэль 2010 йилнинг октябрь ойида туғилган. У жорий мавсумдаги ўсмирлар Премьер-лигасида ўтказилган 19 та ўйинда 18 та гол уришга муваффақ бўлди.