Ҳафта давомида "Ньюкасл" Чемпионлар Лигасида "Барселона" билан баҳсда (1:1) сўнгги дақиқаларда пенальтидан гол ўтказиб юбориб, ғалабани қўлдан чиқарди. "Қарғалар" бош мураббийи Эдди Хау бой берилган ғалаба ҳақида ўз фикрларини билдирди.
"Футболчилар жуда яхши муносабат билдиришди. Албатта, ўйиндан сўнг катта тушкунлик бор эди, лекин умуман олганда, биз ушбу иштирокимиздан фахрланамиз. Бу мавсумда жамоа натижаларга — ҳам муваффақиятсизликларга, ҳам ғалабаларга нисбатан яхши чидамлиликни шакллантирди.
Биз ҳамма нарсани хотиржам қабул қилишимиз керак. Кейинги ўйин жуда яқин эканлигини биламиз. Аввалги баҳс кейингисига таъсир қилмаслиги лозим. Ҳозирда бор эътиборимизни "Челси"га қаратганмиз", — деди Хау жума кунги матбуот анжуманида.
"Челси" — "Ньюкасл" учрашуви 14 март куни Тошкент вақти билан соат 22:30 да бошланади.
