"Тоттенхэм" хавфли ҳудуддан (қуйи лигага тушиб кетиш зонасидан) бор-йўғи бир очко олдинда бормоқда. "Арсенал" бош мураббийи Микель Артета Премьер-лигадан Шимолий Лондон дербиси йўқолишини истамаяпти.

"Мен доим айтаман: "Тоттенхэм" билан дерби — биздаги энг ёрқин ўйинлардан бири. Бундай иштиёқ ва рақобат мавжуд бўлганда, бу ўйин даражасини оширади ва ғалабадан олинадиган ҳиссиётларни мутлақо бошқа босқичга олиб чиқади. "Тоттенхэм" билан нима содир бўлишини мен ҳал қилмайман, лекин бизнинг рақобатимиз қандай эканлигини таърифлаб бера оламан", — деди Артета матбуот анжуманида.

Яқинда, 22 февраль куни "Арсенал" сафарда "Тоттенхэм"ни 4:1 ҳисобида мағлуб этган эди.