"Арсенал" шу баҳорда тўртта совринни қўлга киритиш имкониятига эга. Лондон жамоаси бош мураббийи Микель Артета бу борада ўз фикрларини билдирди.
"Ҳар бир ғалаба қозонилган ўйин — мақсад сари ташланган улкан қадамдир. Эртага бизни жуда оғир ўйин кутмоқда. Натижага эришиш учун уни майдонда исботлашимиз керак. Агар бунга лойиқ бўлсак, мақсадимизга янада яқинлашамиз. Тўғрисини айтсам, мен квадрупл (бир мавсумда тўртта соврин) ҳақида алоҳида ўйлаганим йўқ. Биз бир мусобақадан иккинчисига босқичма-босқич ўтмоқдамиз. Етти кун ичида учта турли турнирда ўйинларимиз бор. Энг муҳими — баҳсларга иложи борича энг яхши спорт формасида етиб бориш", — деди Артета матбуот анжуманида.
Шанба куни, 14 март куни "Арсенал" ўз майдонида "Эвертон"ни қабул қилади.
