"Arsenal" shu bahorda to‘rtta sovrinni qo‘lga kiritish imkoniyatiga ega. London jamoasi bosh murabbiyi Mikel Arteta bu borada o‘z fikrlarini bildirdi.
"Har bir g‘alaba qozonilgan o‘yin — maqsad sari tashlangan ulkan qadamdir. Ertaga bizni juda og‘ir o‘yin kutmoqda. Natijaga erishish uchun uni maydonda isbotlashimiz kerak. Agar bunga loyiq bo‘lsak, maqsadimizga yanada yaqinlashamiz. To‘g‘risini aytsam, men kvadrupl (bir mavsumda to‘rtta sovrin) haqida alohida o‘ylaganim yo‘q. Biz bir musobaqadan ikkinchisiga bosqichma-bosqich o‘tmoqdamiz. Yetti kun ichida uchta turli turnirda o‘yinlarimiz bor. Eng muhimi — bahslarga iloji boricha eng yaxshi sport formasida yetib borish", — dedi Arteta matbuot anjumanida.
Shanba kuni, 14 mart kuni "Arsenal" o‘z maydonida "Everton"ni qabul qiladi.
