"Челси" бош мураббийи Лиам Росеньор жамоа дарвозабонлари ҳақида ўз фикрларини билдирди.
"Мен "Астон Вилла"га қарши ўйинда Йоргенсенни туширишга қарор қилгандим ва у ажойиб ўйин кўрсатди. Менимча, "ПСЖ"га қарши баҳснинг 75 дақиқасини ҳам у юқори даражада ўтказди. У хатога йўл қўйди ва биз бунинг учун жазоландик. Биз ютқазмаслигимиз керак бўлган ўйинда мағлуб бўлдик.
Санчес — АПЛнинг энг яхши дарвозабонларидан бири. Дарвозабонларимизнинг маҳоратига шубҳам йўқ. Ҳамма нарса менинг ҳар бир ўйин олдидан қабул қиладиган қароримга боғлиқ. Йоргенсен хатодан кейин "Ньюкасл"га қарши ўйнашга тайёрми? Албатта. Ҳамма хато қилади. Муҳими — муваффақиятсизликка қандай муносабат билдиришингиз. Мен ҳар бир футболчига ишонаман", — деди Росеньор матбуот анжуманида.
Шанба куни, 14 март куни "Челси" ўз майдонида "Ньюкасл"ни қабул қилади.
