"Реал" ўзининг расмий сайтида жамоанинг жума кунги машғулотлари ҳақида маълумот эълон қилди.
Энг қувонарли янгилик шундаки, марказий ҳимоячи Эдер Милитао машғулотларнинг бир қисмини умумий гуруҳда ўтказди. Маълумки, Милитао қиш бошида жароҳат олган эди. Бразилиялик футболчи уч ойдан кўпроқ вақт давомида майдонга тушмади. Кўриниб турибдики, унинг сафга қайтиши яқин қолди.
Шунингдек, "Реал" ўз хабарида Давид Алаба, Жуд Беллингем, Альваро Каррерас, Дани Себальос, Килиан Мбаппе ва Ферлан Менди ҳозирда тикланиш дастурлари асосида ишлаётганини алоҳида таъкидлаб ўтди.
Шанба куни, 14 март куни "Реал" Испания чемпионати доирасида ўз майдонида "Эльче"ни қабул қилади.
