"Ньюкасл" бош мураббийи Эдди Хау жамоанинг бразилиялик ярим ҳимоячиси Жоэлинтон ҳақида ўз фикрлари билан ўртоқлашди.
"Жоэлинтон ҳозиргидек ўйин кўрсатганда, ярим ҳимояга ақл бовар қилмайдиган ҳаракатчанлик олиб киради. У яхши спорт формасида бўлганида, ҳақиқатан ҳам жамоани янги даражага кўтаради. Бу йил унда жароҳатлар билан боғлиқ муаммолар бўлди, аммо биз унинг доим сафда бўлишини жуда истаймиз", — дея Хаунинг сўзларини келтиради "қарғалар" матбуот хизмати.
Жорий мавсумда 29 ёшли Жоэлинтон барча турнирларда 36 та ўйинда иштирок этиб, олтита гол урди ва иккита голли узатма муаллифига айланди.
