Хорватиялик собиқ футболчи Иван Ракитич "Милан" жамоаси "Интер"га етиб олиб, А Серияда ғолиб чиқиши мумкинми, деган саволга жавоб берди.
Массимилиано Аллегри жамоаси яқинда бўлиб ўтган дербида "нерадзуррилар"ни мағлуб этиб (1:0), турнир жадвалидаги фарқни етти очкогача қисқартирди ва интригани қайтарди. Олдинда яна ўнта тур бор.
"Шубҳасиз, ажойиб мавсумни ўтказаётган "Интер"га етиб олиш "Милан" учун жуда қийин бўлади. "Милан" ўз кучига ишониши ва Модричга ишонишда давом этиши керак. Агар имконият туғилса, улар бундан албатта фойдаланишади", – дея Ракитичнинг сўзларини келтиради Milan Posts.
Якшанба куни "россонерилар" сафарда "Лацио"га қарши майдонга тушади.
