«Ювентус»нинг собиқ ҳужумчиси Фернандо Льоренте клуб форвард Душан Влаховични жамоада олиб қолиши керак деб ҳисоблайди.

Сербиялик футболчининг амалдаги келишуви жорий мавсум якунида ниҳоясига етади. Сўнгги ҳафталарда томонларнинг янги шартнома имзолаш нияти ҳақида хабарлар пайдо бўлди, ваҳоланки, бундан аввал футболчининг эркин агент сифатида кетиши деярли аниқлиги айтилаётган эди.

«Менга Влахович ёқади ва «Ювентус» у билан шартномани узайтириши керак деб ўйлайман. У доимо рақиб дарвозасини кўзлайди ва кўп гол уради. Тўғри, у дарвозага орқа ўгириб ўйнаш ва тўпни қабул қилиш борасида ўз ўйинини кучайтириши мумкин, аммо, менинг фикримча, у барибир ажойиб ҳужумчи», — дея Льорентенинг сўзларини келтиради журналист Николо Скира.

Жорий мавсумда Влахович «бьянконерилар» сафида 17 та учрашувда майдонга тушиб, олтита гол муаллифига айланди.