«Челси» сардори Рис Жеймс яқинда клуб билан шартномасини узайтирди. 26 ёшли футболчининг «кўклар» билан янги келишуви 2032 йилгача мўлжалланган.
«Бошқа жойда кўпроқ пул ишлаб топишим мумкинмиди? Ҳа, лекин пул — ҳамма нарса эмас. Мен учун бахтли ҳис қилиш ва ўзим хоҳлаган жойда ўйнаш муҳимроқ», — дея ярим ҳимояда ҳам ҳаракат қила оладиган ўнг қанот ҳимоячисининг сўзларини келтиради журналист Киран Жилл.
Рис Жеймс футболдаги илк қадамлариданоқ «Челси» шарафини ҳимоя қилиб келмоқда. Жорий мавсумда футболчи Лондон жамоаси сафида барча турнирларда 35 та ўйинда майдонга тушиб, ўз ҳисобига иккита гол ва еттита голли узатмани ёздириб қўйди.
