«Пари Сен-Жермен» президенти Носир Ал-Хелайфий Яқин Шарқдаги кучайиб бораётган зиддият, хусусан, АҚШ ва Исроил зарбаларидан сўнг февраль ойи охиридан бери парвозлар тўхтатилиши ва ҳаво ҳудудининг чекланишига сабаб бўлган Эрон уруши туфайли Доҳада қолиб кетмоқда.
Абдуллоҳ Булма берган хабарларга кўра, Ал-Хелайфий бир ҳафтадан кўпроқ вақт давомида учиб кета олмаган. Шу сабабли у 11 март куни «Парк де Пренс» стадионида «ПСЖ»нинг Чемпионлар лигаси доирасида «Челси» устидан қозонган 5:2 ҳисобидаги ғалабасини ўтказиб юборди. У машғулотларда ва ўйинда иштирок эта олмади ва жараённи масофадан туриб кузатди.
Эндиликда, келаси ҳафта «Стэмфорд Бриж»да бўлиб ўтадиган жавоб учрашуви яқинлашар экан, «ПСЖ» раҳбари шу дам олиш кунлари Лондонга етиб бориш учун барча имкониятларни кўриб чиқмоқда.
Унинг ташрифидан мақсад — Луис Энрике жамоасини учта тўп фарқи билан қўлга киритилган устунликни сақлаб қолишда қўллаб-қувватлаш ҳамда УЕФАнинг «Финалиссима» каби келажакдаги тадбирларига бағишланган эҳтимолий йиғилишларида иштирок этишдир.
