«Pari Sen-Jermen» prezidenti Nosir Al-Xelayfiy Yaqin Sharqdagi kuchayib borayotgan ziddiyat, xususan, AQSH va Isroil zarbalaridan so‘ng fevral oyi oxiridan beri parvozlar to‘xtatilishi va havo hududining cheklanishiga sabab bo‘lgan Eron urushi tufayli Dohada qolib ketmoqda.
Abdulloh Bulma bergan xabarlarga ko‘ra, Al-Xelayfiy bir haftadan ko‘proq vaqt davomida uchib keta olmagan. Shu sababli u 11 mart kuni «Park de Prens» stadionida «PSJ»ning Chempionlar ligasi doirasida «Chelsi» ustidan qozongan 5:2 hisobidagi g‘alabasini o‘tkazib yubordi. U mashg‘ulotlarda va o‘yinda ishtirok eta olmadi va jarayonni masofadan turib kuzatdi.
Endilikda, kelasi hafta «Stemford Brij»da bo‘lib o‘tadigan javob uchrashuvi yaqinlashar ekan, «PSJ» rahbari shu dam olish kunlari Londonga yetib borish uchun barcha imkoniyatlarni ko‘rib chiqmoqda.
Uning tashrifidan maqsad — Luis Enrike jamoasini uchta to‘p farqi bilan qo‘lga kiritilgan ustunlikni saqlab qolishda qo‘llab-quvvatlash hamda UEFAning «Finalissima» kabi kelajakdagi tadbirlariga bag‘ishlangan ehtimoliy yig‘ilishlarida ishtirok etishdir.
