Премьер-лиганинг бир қатор йирик клублари ёзги трансфер ойнаси олдидан «Брентфорд» ўнг қанот ҳимоячиси Майкл Кайодега қизиқиш билдирмоқда.
Кайоде жорий мавсумда «Брентфорд»нинг АПЛдаги 29 та ўйинидан 28 тасида асосий таркибда майдонга тушди ва еврокубоклар йўлланмаси учун курашаётган Кит Эндрюс жамоасида муҳим рол ўйнамоқда.
21 ёшли футболчи ушбу мавсумда чемпионат доирасида гол ёки голли узатмани амалга оширмаган бўлса-да, унинг тўпни қўл билан узоқ масофага ташлаб бериши «арилар» учун жиддий ҳужум қуролига айланди.
La Stampa нашрининг хабарига кўра, унинг ўйинлари «Арсенал», «Манчестер Сити», «Челси» ва «Тоттенхэм» каби клублар эътиборини тортган.
«Тоттенхэм» италиялик ҳимоячини Педро Порронинг эҳтимолий ўринбосари сифатида кўрмоқда. Порронинг омадсиз мавсумдан кейинги келажаги клубда сўроқ остида қолмоқда ва турли миш-мишларга сабаб бўлмоқда.
