Шанба оқшомида Англия Премьер-лигаси доирасида «Челси» ва «Ньюкасл» жамоалари ўртасида ўйин бўлиб ўтмоқда. Стадионда Англия терма жамоаси бош мураббийи Томас Тухель кўриниш берди. Кўриниб турибдики, германиялик мутахассис миллий жамоага номзодларни кўздан кечириш учун «Стэмфорд Бриж»га ташриф буюрган.
Март ойида Англия терма жамоаси Уругвай ва Японияга қарши ўртоқлик учрашувларини ўтказади. Ёзда бўлиб ўтадиган жаҳон чемпионатининг гуруҳ босқичида эса «уч шерлар»га Хорватия, Гана ва Панама терма жамоалари рақиблик қилади.
Эслатиб ўтамиз, 2021-2022 йилларда Томас Тухель «Челси» клуби бош мураббийи сифатида фаолият юритган.
