Туркия чемпионати 26-турида "Галатасарой" ўз майдонида "Башакшеҳир"ни қабул қилди ва йирик 3:0 ҳисобида ғалаба қозонди.
Ўйиннинг 56-дақиқасида меҳмонлар ҳимоячиси Фести Эбоселе иккинчи сариқ карточкасини олган ҳолда майдонни тарк этди. Шундан сўнг мезбонлар 3 та гол уришди: 57-дақиқада Вильфрид Синго, 66-дақиқада Виктор Осимхен, 84-дақиқада Ренато Нхага голларга муаллифлик қилишди.
Ҳамюртимиз Элдор Шомуродов "Башакшеҳир" сафида асосий таркибда майдонга тушди ва 70-дақиқада захирага олинди. Аббосбек Файзуллаев қайдномага киритилмади.
"Галатасарой" 64 очко билан турнир жадвалида якка пешқадам бўлиб олди. "Башакшеҳир" 42 очко билан 6-поғонада.













