Англия чемпионатининг 30-тури доирасида «Вест Хэм» билан ўйинда йўл қўйилган хатодан сўнг, «Манчестер Сити» жорий мавсумда тўртинчи бор пешқадамдан 9 очкога ортда қолмоқда. Эслатиб ўтамиз, «шаҳарликлар»нинг «болғачилар» билан баҳси 1:1 ҳисобидаги дуранг билан якунланди.
Opta статистик портали эълон қилган маълумотларга кўра, АПЛ тарихида 30 ва ундан ортиқ турдан кейин пешқадамдан 9 очкодан кўпроқ ортда қолиб, якунда чемпионликни қўлга киритган ягона жамоа — бу 2013-14 йилги мавсумдаги «Манчестер Сити»нинг ўзидир.
Кетма-кет қайд этилган иккинчи дурангдан сўнг, Opta суперкомпьютери «Сити»нинг чемпионатдаги ғалаба имкониятини бор-йўғи 2,43 % га баҳоламоқда.
