Испания чемпионатининг 28-тури доирасида бугун, 15 март куни «Барселона» ва «Севилья» жамоалари ўзаро тўқнаш келишади. Учрашув Тошкент вақти билан соат 20:15 да бошланади.

Экспертларнинг фикрига кўра, «Барселона» ушбу ўйинда яққол фаворит ҳисобланади. Майдон эгаларининг ғалаба қозониш эҳтимоли 75,1 % га баҳоланмоқда. «Севилья»нинг муваффақияти эса бор-йўғи 10,1 % ни, дуранг натижа 14,8 % ни ташкил этмоқда.

Эслатиб ўтамиз, ушбу жамоалар ўртасидаги 2025 йил 5 октябрда бўлиб ўтган сўнгги учрашувда «Севилья» «Барселона»ни 4:1 ҳисобида мағлуб этган эди.