Англиялик собиқ футболчи Жейми Реднапп «Арсенал» устидаги босим ҳақида гапирди. «Канонирлар» сўнгги 22 йил ичида илк бор Премьер-лига чемпионлигини қўлга киритишга яқин туришибди. Шанба куни Микель Артета шогирдлари ўз майдонида «Эвертон»ни Виктор Дьёкереш ва Макс Доуманнинг 89 ҳамда 97-дақиқаларда урган голлари эвазига мағлуб этишди (2:0).

«Мен чемпионликни ютмаганман, лекин уни бой бериш қандай бўлишини биламан. Хавотир мухлисларга ҳам ўтади. Артета очиқчасига безовта эди, у худди «қизиган тунука томдаги мушукдек» кўринди, лекин тўсатдан Доуман чиқди-да: «Ҳаммаси жойида, мен ҳал қиламан», дегандек бўлди. Айнан шу ҳолат ўйин тақдирини ўзгартириб юборди. Бошқалар кучли босимга дош бера олмаётган бир пайтда, унинг бунчалик вазминликни сақлаб қолгани ақл бовар қилмас даражада», — деди Реднапп Sky Sports эфирида баҳс якунларини сарҳисоб қилар экан.

Эслатиб ўтамиз, 16 ёшли Макс Доуман Премьер-лига тарихидаги энг ёш гол муаллифига айланди.