Мадриднинг «Реал» клуби ярим ҳимоячиси Федерико Вальверде яна бир бор гол уришга муваффақ бўлди. Шанба куни уругвайлик футболчи Ла Лига доирасида кечган ва 4:1 ҳисобидаги ғалаба билан якунланган баҳсда «Эльче» дарвозасини ишғол қилди.
27 ёшли футболчи жорий мавсумда «қаймоқранглилар» сафида 46 та ўйинда майдонга тушиб, ўз ҳисобига 21 та самарали ҳаракатни (тўққизта гол ва 12 та ассист) ёздириб қўйди. Opta порталининг хабар беришича, бу хавбек учун «қироллик клуби»даги фаолияти давомидаги шахсий рекорд ҳисобланади. Эслатиб ўтамиз, футболчи бундан олдинги учрашувда Чемпионлар Лигаси доирасида «Манчестер Сити» дарвозасига хет-трик йўллаган эди.
Федерико Вальверде 2016 йилда Уругвайнинг «Пеньяроль» клубидан «Реал» сафига келиб қўшилган.
