Лондоннинг «Арсенал» клуби ёзги трансфер ойнасида ўз таркибини кучайтиришни режалаштирмоқда. Transfer News Live нашрининг El Nacionalга таяниб хабар беришича, лондонликлар «Атлетико» ҳужумчиси Хулиан Альваресга бўлган қизиқишини сақлаб қолмоқда.
«Канонирлар» 26 ёшли Альварес уларнинг спорт лойиҳасидаги етишмаётган «детал» бўлиши мумкин деб ҳисоблашади. «Арсенал» Мадрид клубининг Альварес учун сўраётган 100 миллион евро миқдоридаги талабини қондиришга тайёр.
Аввалроқ «Арсенал» раҳбарияти Виктор Дьёкерешдан катта умидлар кутган эди, бироқ у ҳозирча «супертўпурар» вазифасини барқарор равишда бажаришга тайёр эмас.
Эслатиб ўтамиз, «Арсенал» шанба куни ўз майдонида «Эвертон»ни 2:0 ҳисобида мағлуб этган эди.
