Мадриднинг «Реал» клуби ўз ҳужум чизиғини сезиларли даражада кучайтиришга интилмоқда ва «Галатасарой» ҳужумчиси Виктор Осимхен билан шартнома имзолаш имкониятини кўриб чиқмоқда.

Haberler нашрининг маълумотларига кўра, "қироллик клуби" нигериялик форвард учун 80 миллиондан 110 миллион еврогача бўлган миқдорда таклиф тайёрлаб қўйган.

Хабар қилинишича, Осимхен «бланкос»нинг трансфер рўйхатидаги энг устувор номзодлардан бири ҳисобланади. Манбаларнинг таъкидлашича, клуб президенти Флорентино Перес ушбу эҳтимолий келишувни ижобий баҳоламоқда ва ҳужумчини келаси мавсум учун асосий мақсад деб ҳисоблайди.

Эслатиб ўтамиз, 27 ёшли ҳужумчи «Наполи»дан «Галатасарой»га 75 миллион евро эвазига ўтганидан сўнг жамоанинг асосий фигурасига айланди. Ушбу мавсумда форвард Истанбул клуби сафида 27 та ўйинда майдонга тушиб, 18 та гол урди ва 7 та голли узатмани амалга оширди.