Англиянинг “Манчестер Сити” клуби вингери Жереми Доку “шаҳарликлар” ҳали ҳам “Реал Мадрид”га қарши баҳсни ўз фойдасига ўзгартира олишига ишонишини маълум қилди.

“Агар имконият йўқ десам, бу менинг ақлдан озганимни билдиради. "Реал" – жуда кучли жамоа, лекин улар бизга учта гол урган бўлса, нега биз ҳам уларга ура олмаймиз? ‘Этиҳадъда мухлисларимиз уларга босим ўтказиши керак. Ҳамма нарса бўлиши мумкин, биз ўзимизга ишонамиз. Агар мухлислар биз билан бирга бўлса, бу бутунлай бошқа даражадаги ўйин бўлади”, дейди Доку.

Бельгиялик қанот ҳужумчиси жавоб учрашуви олдидан “Сити” мухлисларини стадионда ўзгача атмосфера яратишга чақирди.

Маълумот учун, “Реал Мадрид” УЕФА Чемпионлар Лигаси 1/8 финал босқичининг дастлабки учрашувида “Манчестер Сити”ни 3:0 ҳисобида мағлуб этди. “Қироллик клуби” ҳужумчиси Федерико Вальверде учрашувда хет-трик муаллифига айланди.

Мазкур баҳсда “Манчестер Сити”нинг ўзбекистонлик ҳимоячиси Абдуқодир Ҳусанов асосий таркибда майдонга тушиб, тўлиқ 90 дақиқа ҳаракат қилди.

Жамоалар ўртасидаги жавоб учрашуви 17 март куни Манчестердаги “Etihad” стадионида бўлиб ўтади. Учрашув Тошкент вақти билан 18 мартга ўтар кечаси соат 01:00 да бошланади.