«Челси»нинг афсонавий сардори Жон Терри «Арсенал»нинг ёш юлдузи Макс Доуман ҳақида жуда илиқ фикрлар билдирди. Куни кеча Доуман 16 ёшу 73 кунлигида АПЛнинг 21-туридан ўрин олган «Эвертон»га қарши ўйинда (2:0) гол урди ва лига тарихидаги энг ёш гол муаллифига айланди.

Лондон клублари ўртасидаги азалий рақобатга қарамай, Терри «канонирлар» сафидаги иқтидорни эътироф этди.

«Макс Доуман — ҳақиқий футболчи! Атиги 16 ёш. Бу шунчаки ақл бовар қилмас даражада.

Мен унинг «Челси»га қарши ўйинини тахминан бир йил олдин кўргандим. Ўшандан бери рақибларини худди майдон узра парвоз қилаётгандек осонлик билан ортда қолдирадиган бошқа футболчини учратмадим. Мессидан бошқа ҳеч ким буни у каби бажара олмайди. Ҳа, тушунаман, бу жуда жиддий, ўта жиддий таққослаш. Аммо бу бола — «Арсенал» ва Англия терма жамоаси келажагида катта роль ўйнайдиган ҳақиқий ноёб иқтидордир», — дея Террининг сўзларини келтирмоқда The Touchline нашри.