«Манчестер Юнайтед» собиқ ҳужумчиси Уэйн Руни АПЛнинг 30-тури доирасида «Астон Вилла»га қарши бўлиб ўтадиган ўйин борасидаги фикрлари билан ўртоқлашди.

«Агар мен «Астон Вилла» футболчиси бўлганимда, «Олд Траффорд»га боришдан не наф?» деб сўраган бўлардим. «Манчестер Юнайтед» таркибида Бенжамин Шешко ажойиб формада, умуман олганда ҳужум чизиғи жуда кучли кўринмоқда — бу ҳимоячилар учун ҳақиқий даҳшат», — дея таъкидлади Руни.

Экспертнинг сўзларига кўра, айрим ўйинларни кураш сифатида қабул қилиш мумкин, аммо бу баҳс «худди мағлубиятни қабул қилиб олиш учун сафар қилишдек туюлмоқда».

Руни «қизил иблислар»нинг айни дамдаги формаси жамоани рақиблар учун, айниқса, ўз майдонида ўта хавфли қилаётганини алоҳида қайд этди.

Ҳозирда «Юнайтед» чемпионатда 51 очко билан 3-ўринни эгаллаб турибди, тўртинчи ўриндаги «Астон Вилла» ҳисобида ҳам худди шунча очко мавжуд.