Мюнхеннинг «Бавария» клуби бош мураббийи Венсан Компани Германия Бундеслигасининг 26-турида Леверкузеннинг «Байер» жамоасига қарши кечган ва 1:1 ҳисобида якунланган учрашув ҳақида фикр билдирди.

«Йигитлар кўрсатган характер билан жуда фахрланаман. Бу жуда кескин ва воқеаларга бой кун бўлди, айрим вазиятлар бўйича турлича фикрлар бўлиши мумкин. Бу эса ўйин натижасига таъсир қилди. Учрашув бошида хатога йўл қўйиб, гол ўтказиб юбордик, аммо курашни давом эттирдик. «Байер» ҳам жуда қатъият билан ўйнади. Биздан эса катта сабр-тоқат талаб этилди», — деди Компани мюнхенликлар клубининг расмий сайтига берган изоҳида.

Айни пайтда «Бавария» 67 очко билан Германия чемпионати турнир жадвалида пешқадам бўлиб турибди.

Германия — Бундеслига, 26-тур
14 март 2026 йил, шанба
«Байер» (Леверкузен) — «Бавария» (Мюнхен) — 1:1
Голлар: Гарсия, 6 (1:0). Диас, 69 (1:1).
Четлатишлар: йўқ / Жексон, 42; Диас, 84.