"Челси" ярим ҳимоячиси Энцо Фернандес шу ёзда клубдан кетиши мумкин.
Миш-мишларга кўра, 25 ёшли футболчи жамоадан кетишга яқин.
Бу маълумотни Аргентина футболига ихтисослашган таниқли журналист Гастон Эдул қисман тасдиқлади: унинг сўзларига кўра, "Челси" жорий мавсум тугаганидан кейин жаҳон чемпионини сотишга мажбур бўлади.
Энцо Фернандеснинг тахминий қиймати 90 миллион еврони ташкил қилади. "Реал Мадрид" ярим ҳимоячи учун асосий даъвогар сифатида кўрилди.
Бу мавсумда футболчи "кўклар" сафида 44 та ўйинда 12 та гол урди ва олтита голли узатмани амалга оширди.
