«Манчестер Юнайтед» бош мураббийи Майкл Кэррик ярим ҳимоячи Каземиронинг келажаги борасидаги фикрлари билан ўртоқлашди.

Бразилиялик футболчи «Астон Вилла» устидан қозонилган муҳим ғалабада (3:1) гол уриб, «қизил иблислар»га ёрдам берди. Шу йилнинг январь ойидаёқ 34 ёшли хавбек мавсум якунида клубни тарк этишини эълон қилган эди, бироқ унинг ўйинлари футболчини қолишга кўндириш кераклиги ҳақидаги гап-сўзларга сабаб бўлди. Журналистлар мураббийдан воқеаларнинг бундай ривожи қанчалик эҳтимолга яқинлигини сўрашди.

«Бирор гапни ишонч билан айтиш қийин. Қарор аллақачон қабул қилиб бўлингани, қайсидир маънода вазиятни ойдинлаштиради. Ҳамма вазият қандай эканлигини тушуниб турибди.

Каземиро мен клубга қайтган биринчи кунимданоқ ўзини ажойиб тарзда кўрсатмоқда. У голлар урмоқда ва жамоада жуда муҳим ролни ижро этмоқда», — деди Кэррик ўз интервьюсида.

«Манчестер Юнайтед» 30-турдан сўнг Премьер-лига турнир жадвалида учинчи ўринни эгаллаб турибди.