«Ливерпуль» мухлислари «Тоттенхэм»га қарши баҳсдан сўнг (1:1 ҳисобидаги дуранг) ўз жамоаларини ҳуштакбозлик билан кузатиб қўйишди. Ўйиндан кейин мерсисайдликлар бош мураббийи Арне Слот «Энфилд» трибуналаридан янграган ушбу ҳуштакларга изоҳ берди.

«Мен буни мутлақо нормал ҳолат деб ҳисоблайман. Агар сиз мухлислик қиладиган жамоа кутилмаган ўйинларда, айниқса, баҳснинг сўнгги сонияларида шунча очко йўқотса, ҳамманинг ҳафсаласи пир бўлиши табиий. Мухлислар бундай ҳолатга одатдагидан кўпроқ дуч келишмоқда. Шунинг учун уларнинг норозилик билдириши одатий ҳолдир. Мен ҳам, футболчиларимиз ҳам, мухлисларимиз ҳам бирдек ҳафсаламиз пир бўлганини ҳис қиляпмиз. Аммо ишончим комил, чоршанба куни улар яна келишади ва бизни илк дақиқалардан бошлаб қўллаб-қувватлашади», — деди Слот Sky Sportsга берган интервьюсида.

18 март куни «Ливерпуль» Чемпионлар лигаси доирасида «Галатасарой»ни қабул қилади.