Ярим ҳимоячи Гави якшанба куни ўтган йилнинг август ойидан бери илк бор «Барселона» сафида майдонга тушди. Футболчи тиззасидаги муаммо туфайли ўтказилган операциядан сўнг узоқ вақт тикланиш жараёнини бошдан кечирди. Унинг қайтиши борасида «кўк-анорранглилар» бош мураббийи Ханс-Дитер Флик ўз фикрларини билдириб ўтди.

«Бу Гави учун яхши қадам бўлди. У яна сафимизда эканлигидан хурсандмиз, бу тиббий штабимизнинг муваффақиятидир. У чоршанба куни ўйнай оладими ёки йўқ, билмайман, лекин мавсумнинг қолган қисмида бизга албатта ёрдам беради. У жуда техник футболчи ва биз ундан мамнунмиз», — деди Флик журналистларга берган интервьюсида.

Эслатиб ўтамиз, якшанба куни «Барселона» ўз майдонида «Севилья»ни 5:2 ҳисобида мағлуб этди. Чоршанба куни каталонияликлар яна ўз стадионларида — Чемпионлар лигаси доирасида «Ньюкасл»га қарши баҳс олиб боришади.