Бразилия терма жамоаси бош мураббийи Карло Анчелотти нима учун айнан «пентакампеонлар»ни бошқаришга қарор қилгани ҳақидаги саволга жавоб берди.
«Реал»дан кейин бошқа клубда ишлашни истамагандим. Икки йил олдин менда Бразилия терма жамоасини бошқариш имконияти пайдо бўлганди, лекин ўшанда «Реал» билан шартномани узайтиргандим. Ўтган йили эса кетиш вақти келганлиги ҳақида қарор қабул қилдик ва ҳозир мен бахтлиман», — дея Анчелоттининг сўзларини Marca нашри келтирмоқда.
Шу ёзда Бразилия терма жамоаси ЖЧ-2026 мусобақасида иштирок этади. Қуръа натижаларига кўра, жамоа «C» гуруҳидан жой олган бўлиб, у ерда Гаити, Марокаш ва Шотландия терма жамоалари билан куч синашади.













