Аргентина терма жамоаси сардори Лионель Месси Америка Кубоги ва Европа чемпионати ғолиблари ўртасида ўтказиладиган Финалиссима — Испанияга қарши баҳснинг бекор қилинганидан ҳафсаласи пир бўлди.
Учрашув 27 март куни Қатарда бўлиб ўтиши керак эди, бироқ Яқин Шарқдаги зиддиятли вазият туфайли якунда бекор қилинди.
ESPN хабарига кўра, тарқалган миш-мишларга қарамай, Месси УЕФА ва КОНМЕБОЛ [Жанубий Америка футбол конфедерацияси] ўртасида Финалиссимани кўчириш ёки бекор қилиш бўйича олиб борилган музокараларда иштирок этмаган ва уларга таъсир кўрсатмаган.
Манбанинг таъкидлашича, ҳужумчи ушбу ўйинни ЖЧ-2026 арафасида фаолиятидаги 48-совринни қўлга киритиш учун ажойиб имконият сифатида кўраётган эди.
