Бундеслига ўртамиёнаси — Мёнхенгладбахнинг "Боруссия" клуби шарафини ҳимоя қилаётган ярим ҳимоячи Рокко Райц яқинлашиб келаётган трансфер ойнасида клубини ўзгартиради. Бу ҳақда унинг ҳозирги жамоаси расмий сайти хабар бермоқда.
"Рокко учун биз оладиган трансфер суммаси — "Боруссия" ўз тарбияланувчиси учун қачонлардир олган энг юқори маблағдир", - деди "Боруссия" спорт бўлими раҳбари Рувен Шрёдер.
"Ваъда бераманки, қолган ҳар бир ўйинда, айниқса шу дам олиш кунлари бўлиб ўтадиган дербида бор кучим билан ҳаракат қиламан", - дея баёнот берди Райц.
Келишув суммаси 20 миллион еврони ташкил этиши кутилмоқда. Жорий мавсумда Райц 27 та учрашувда иштирок этиб, 2 та голли узатмани амалга оширди, шунингдек, 6 та сариқ ва 1 та қизил карточка олди.
