"Манчестер Сити" ёзда ўнг қанот ҳимоячиси позициясига янги футболчи билан шартнома имзолашни режалаштирмоқда. Transfer News Live нашрининг Football Insiderга таяниб хабар беришича, "шаҳарликлар"нинг номзодлар рўйхатида "Тоттенхэм" аъзоси Педро Порро бор.
Таъкидланишича, агар "Тоттенхэм" юқори дивизионни тарк этгудек бўлса, "Манчестер Сити" Поррони бозор қийматидан анча паст нархга сотиб олиши мумкин бўлади. "Шаҳарликлар" Педрони катта тажрибага эга ишончли вариант сифатида кўришмоқда. 26 ёшли Педро Порро Испания терма жамоаси сафида 15 та ўйин ўтказган.
Ҳимоячининг "Тоттенхэм" билан амалдаги шартномаси 2028 йилнинг ўрталарига қадар мўлжалланган. Transfermarkt портали футболчини 40 миллион еврога баҳоламоқда.













