"Челси" бош мураббийи Лиам Росеньор ҳимоячи Рис Жеймснинг яна жароҳат олиб, клуб лазаретига йўл олганини тасдиқлади.
Матбуот анжуманида Росеньор Жеймснинг тизза ости пайларидан жароҳат олганини ва бу шикастланиш анча жиддий бўлиши мумкинлигини маълум қилди. "Челси" устози Жеймснинг сафга қайтиши учун бир неча ҳафта талаб этилишини таъкидлаб ўтди.
Ҳозирда "Челси" Чемпионлар лигаси 1/8 финали доирасида "ПСЖ"га қарши бўлиб ўтадиган уй ўйинига тайёргарлик кўрмоқда. Ўтган ҳафта Парижда бўлиб ўтган баҳсда Лиам Росеньор шогирдлари 2:5 ҳисобида имкониятни бой беришган эди.













