"Бавария" вингери Луис Диаснинг қизил карточкаси ўз кучида қолди.

Колумбиялик футболчи Бундеслиганинг 26-туридан ўрин олган "Байер"га қарши баҳсда (1:1) ўйиннинг 84-дақиқасида иккинчи сариқ карточкасини олиб, майдондан четлатилган эди. Ўша вазиятда Диас пенальти ишлаш мақсадида рақиб жарима майдончаси ичида дарвозабон билан контактни бўрттириб кўрсатгани учун симуляцияда айбланди. Диас илк сариқ карточкасини эса Алеиш Гарсиянинг бошига бутсаси билан хавфли тарзда зарба бергани учун олганди. Мюнхен клуби ушбу четлатиш устидан шикоят қилган эди.

Германия футбол иттифоқи (DFB) "Бавария"нинг апелляциясини "асоссиз" деб топиб, уни рад этди. Шу тариқа, Луис Диас Бундеслиганинг 27-туридан ўрин олган ва 21 март куни бўлиб ўтадиган "Унион"га қарши учрашувни ўтказиб юборади.