Лондоннинг «Арсенал» клуби бош мураббийи Микель Артета грециялик ҳимоячи Константинос Мавропанос ҳақида ўз фикрларини билдирди.

«У жуда, жуда яхши инсон. Биз уни мен клубга келишимдан сал аввалроқ трансфер қилган эдик. Ўшанда у жиддий жароҳат олиб, узоқ вақт майдонга туша олмаганди, аммо ҳозир унинг ишлари жойида эканини кўриш ёқимли. Унга энг яхши тилакларимни тилаб қоламан», — дея Артетанинг сўзларини келтирмоқда «Арсенал» матбуот хизмати.

Эслатиб ўтамиз, Мавропанос ўтган дам олиш кунлари «Манчестер Сити» дарвозасига гол урди. Ушбу гол «Вест Хэм»га лигада жон сақлаб қолиш курашида муҳим бўлган дурангни тақдим этди, шунингдек, «Арсенал»нинг АПЛ турнир жадвалида «шаҳарликлар»дан ўзиб кетишига ва орадаги фарқни оширишига ёрдам берди.

Умумий ҳисобда, грециялик ҳимоячи жорий мавсумда «болғачилар» таркибида барча мусобақаларда 27 та ўйинда майдонга тушди ва битта гол муаллифига айланди.