Мадриднинг "Реал" клуби ярим ҳимоячиси Дани Себальос фаолиятида бурилиш ясашга қарор қилган кўринади. Инсайдер Хорхе Пиконнинг хабар беришича, футболчи ўз қадрдон жамоасига қайтиш истагида.
"Себальос "Бетис"га қайтишни орзу қилади ва буни келаётган ёзда амалга оширишга ҳаракат қилади", — дейди Пикон.
Маълумотларга кўра, Дани Мадрид клубидаги захира ўриндиғидан кўра, "Бетис"да асосий таркиб ўйинчиси бўлишни афзал кўрмоқда. Клублар ўртасидаги музокаралар ёзги трансфер ойнаси вақтида бошланиши кутилмоқда.
