"Ньюкасл Юнайтед" скаутлари "Аталанта"нинг иқтидорли ёш ҳимоячиси Жоржо Скальвинини ўзларининг асосий трансфер нишонлари рўйхатига киритишган.

Клуб вакиллари италиялик футболчини қарийб 18 ойдан бери диққат билан кузатиб келишмоқда. "Қарғалар" скаутларининг хулосасига кўра, Скальвинининг жисмоний имкониятлари Премьер-лиганинг юқори тезлиги ва шиддатига тўлиқ мос келади.

"Ньюкасл" раҳбарияти ёш ҳимоячининг жамоа мудофаа чизиғини узоқ йиллар давомида мустаҳкамлай олишига ишонмоқда. Агар музокаралар муваффақиятли кечса, иқтидорли футболчи яқин трансфер ойналарида Англияга йўл олиши мумкин.