«Манчестер Сити» ярим ҳимоячиси Родри мунтазам равишда трансфер янгиликлари қаҳрамонига айланмоқда. Миш-мишларга кўра, шу ёзда «Олтин тўп» соҳиби «Реал»га йўл олиши мумкин. Родри ўз келажаги мавзусидаги саволга жавоб қайтарди.
«Манчестер Сити»ни эҳтимолий тарк этишим ҳақидами? Бу саволга жавоб бермоқчи эмасман. Ҳозир бор эътиборни жамоамга, анча тиғиз ўтаётган жорий мавсумга қаратиш вақти. Кейин нима бўлишини эса кўрамиз», — дея Родрининг сўзларини келтиради The Touchline.
Июнь ойида Родри 30 ёшини қарши олади. Амалдаги шартнома ярим ҳимоячини «Манчестер Сити» билан 2027 йилнинг ўрталаригача боғлаб туради. Нуфузли Transfermarkt портали мутахассислари Родрини 65 миллион еврога баҳоламоқдалар.
