Пеп Гвардиола «Манчестер Сити»ни бошқарган 10 мавсум давомида жамоани Чемпионлар лигасида фақат бир марта ғалабага етаклаб келди.

Бугун «шаҳарликлар» турнирнинг 1/8 финал босқичида «Реал» тўсиғидан ўта олмай (0:3, 1:2), мусобақани тарк этишди.

Испаниялик мутахассис инглиз клубини 2016 йилда қабул қилиб олган эди. Унинг қўл остида «Сити» 2023 йилда ЕЧЛ ғолибига айланди ва 2021 йилда финалга қадар етиб борди.

Жамоа бир марта ярим финалда, тўрт марта чорак финалда, икки марта 1/8 финалда имкониятни бой берган бўлса, яна бир бор саралаш (плей-офф) босқичида мусобақа билан хайрлашган.

Эслатиб ўтамиз, Пеп «Барселона»даги 4 мавсуми давомида 2 марта ЕЧЛда ғолиб чиққан. «Бавария»даги 3 мавсумда эса ушбу турнирда зафар қуча олмаган.