"Реал Мадрид"нинг биринчи рақамли дарвозабони Тибо Куртуа кеча УЕФА Чемпионлар Лигаси 1/8 финал босқичи доирасида "Манчестер Сити"га қарши (2:1) ўйинда жароҳат олди.
Cope нашри хабарига кўра, бельгиялик дарвозабон ўйин олдидан машғулотлар пайтида жароҳат олган. Жароҳатга қарамай, Куртуа биринчи бўлимда ҳаракат қилди.
Танаффусда унинг ўрнини украиналик дарвозабон Андрей Лунин эгаллади. Куртуанинг жароҳати жиддийлиги тахмин қилинмоқда.
У тез орада тиббий кўрикдан ўтади. Жароҳат туфайли бельгиялик футболчи Ла Лиганинг "Атлетико Мадрид"га қарши бўлажак ўйинини ўтказиб юбориши мумкин. Дерби 22 мартга белгиланган.
